嘆花茶的下午

Openrice.com2006年01月12日

同太座在太古城行，大家都無咩收獲，想找處地方坐低飲杯野，見這裡幾新淨，又有雜誌，就齊齊來飲杯花茶。呢度係半自助式，找了位子坐低後，就要自行出去比錢買飛，但就有人送餐。

要了一人份量的英式下午茶套餐及一杯凍柚子茶，英式套餐就選了薄荷玫瑰花茶。英式下午茶是用兩層的小型銀盤，只收六十幾蚊還包一壺花茶，餅食的質數當然不能苛求。底層是兩件吞拿魚三文治、慕絲蛋糕及杞子圓肉喱，上層是兩塊果仁曲奇及椰絲蛋糕。以份量計，其實二人分吃都僅夠。當佢是正統英式茶點當然遠不及格，以吃普通點心來說，加上價錢只幾十蚊，都算交足功課的；凍柚子菜是樽裝貨色加紅茶加冰，甜甜的，當汽水飲都可以。